Səkkiz OPEC+ ölkəsinin neft nazirləri neft hasilatı limitini 2026-cı ilin birinci rübündə dekabr 2025-ci il səviyyəsində dondurmaq planlarını saxladıqlarını bildiriblər.
GDP xəbər verir ki, bu barədə OPEC-in iclasının yekunları haqqında kommunikedə qeyd olunub.
Kommunikedə deyilir: “Səkkiz iştirakçı ölkə 2025-ci il noyabrın 2-də mövsümi dalğalanmalarla əlaqədar olaraq 2026-cı ilin fevral və mart aylarında istehsal həcmlərinin mərhələli şəkildə artırılmasını dayandırmaq qərarını təsdiq etdilər.”
Noyabr ayının əvvəlində səkkiz OPEC+ ölkəsinin neft nazirləri dekabr ayı üçün neft hasilatı kvotalarının gündə 137 min barel (g/b) artırılması barədə razılığa gəliblər.
Kompensasiya cədvəli nəzərə alınmadan, 2026-cı ilin birinci rübündə neft hasilatı kvotası Rusiya üçün 9,57 milyon g/b, Səudiyyə Ərəbistanı üçün 10,103 milyon g/b, İraq üçün 4,273 milyon g/b, BƏƏ üçün 3,411 milyon g/b, Küveyt üçün 2,580 milyon g/b, Qazaxıstan üçün 1,569 milyon g/b, Əlcəzair üçün 971 min g/b, Oman üçün isə 811 min g/b təşkil edir.