Rabitabank -ın Risklərin İdarə Edilməsi Departamentinə yeni direktor təyin edilib.
GDP xəbər verir ki, Cavidan Eldarlı bankın Risklərin İdarə Edilməsi Departamentinin direktoru vəzifəsinə təyin olunub.
Bu sahədə peşəkar təcrübəyə malik olan C.Eldarlı karyerası ərzində müxtəlif nüfuzlu vəzifələrdə çalışıb. O, Azərbaycan Respublikası Mərkəzi Bankında müxtəlif vəzifələrdə, o cümlədən Kredit Təşkilatları üzərində Nəzarət Departamentində aparıcı inspektor kimi fəaliyyət göstərib.
Həmçinin Azərbaycan Respublikası Milli Depozit Mərkəzində Risklərin idarə olunması və Komplayns Departamentinin rəhbəri vəzifəsində çalışaraq risk və komplayns sistemini formalaşdırıb.
Akademik sahədə də fəal olan Cavidan Eldarlı Azərbaycan Dövlət İqtisad Unversitetində (UNEC) müəllim kimi fəaliyyətini davam etdirir və MBA səviyyəsində maliyyə uçotu, idarəetmə uçotu və performans idarə edilməsi fənlərini tədris edir.
Qeyd edək ki, Cavidan Eldarlı karyerasına 2013-cü ildə Unibankda başlayan Eldarlı, daha sonra həmin bankda biznes kreditləri üzrə mütəxəssis və aparıcı mütəxəssis vəzifələrində çalışıb.
O, Azərbaycan Dövlət Aqrar Universitetində müəllim, Fortrade Ltd.-də baş treyder, Bravo Supermarket Azerbaijanda Ticarət Maliyyəsi Departamentində analitik, Western Caspian University-də köməkçi müəllim, Azərbaycan Respublikası Mərkəzi Bankında Risk Menecmenti Departamentində mütəxəssis, inspektor və aparıcı inspektor kimi müxtəlif rollarda təcrübə qazanıb.
Bundan əlavə,Cavidan Eldarlı Dünya Bankı ilə əməkdaşlıq çərçivəsində Risk Əsaslı Nəzarət layihəsində iştirak edib. Onun təcrübəsi Basel II/III standartları, anti-pul yuma tədbirləri (AML/CFT), əməliyyat risk idarəetməsi və tənzimləmə məsələlərini əhatə edir.