Dünyanın aparıcı 10 bankı, o cümlədən Morgan Stanley, HSBC və Goldman Sachs, S&P 500 indeksinin 2025-ci ilin sonuna qədər 8%-dən çox artaraq 6550 bəndə çatacağını proqnozlaşdırır.
GDP xəbər verir ki, çərşənbə axşamı keçirilən ticarətlərin bağlanışı zamanı indeksin dəyəri 6034,91 bənd təşkil edirdi.
Gələn il gözlənilən artım tarixi perspektivdəki orta illik artım göstəricisindən (təxminən 11%) aşağı olacaq. 2024-cü ilin əvvəlindən bu yana indeks təxminən 27% artım göstərib. Bu artım əsasən texnoloji şirkətlərin, o cümlədən Nvidia-nın səhmlərinin qiymətlərindəki əhəmiyyətli artım və Donald Trampın prezident seçkilərindəki qələbəsi fonunda baş verib.
Lakin ekspertlər gözləyirlər ki, Tramp vəzifəyə başladıqdan sonra gələn il investorlar daha ehtiyatlı davranacaqlar.
Barclays analitiklərinin fikrincə, böyük Amerika texnoloji şirkətləri “yeni mərhələyə qədəm qoyur”. O qeyd edir ki, bəzi yerlərdə “həddindən artıq entuziazm” mövcuddur və texnoloji nəhənglər hələ süni intellektə yatırımlarını necə monetizasiya edəcəklərini nümayiş etdirməyiblər.
Morgan Stanley, Goldman Sachs və JPMorgan indeksin gələn il 6500 bəndə çatacağını proqnozlaşdırır. Deutsche Bank isə 7000 bənd hədəfi ilə ən yüksək göstəricini müəyyən edib. Ən optimistlər arasında Bank of America da var, onun proqnozu isə 6666 bənd təşkil edir.