2024-cü ilin yanvar-iyul ayları ərzində satınalan təşkilatlardan Dövlət Xidmətinə daxil olmuş 6218 yekun protokol təhlil edilib.
GDP xəbər verir ki, bu baraədə Antiinhisar və İstehlak Bazarına Nəzarət Dövlət Xidməti məlumat yayımlayıb.
Məlumata görə, müsabiqədə qanunvericiliyin tələblərinin pozulması halları aşkar edilən 1203 yekun protokol Dövlət Xidməti tərəfindən ləğv edilib. Beləliklə Dövlət Xidməti tərəfindən təhlil edilən 6218 yekun protokoldan 19.3%i ləğv olunub.
Cari ilin 6 ayı ərzində həyata keçirilən dövlət satınalmalarının nəticələrinə əsasən qeyd etmək olar ki, 2024-cü ilin yanvarın 1-dən qüvvəyə minən “Dövlət satınalmaları haqqında” Azərbaycan Respublikasının Qanunu”nun tətbiq mexanizmləri ilə bağlı Antiinhisar və İstehlak Bazarına Nəzarət Dövlət Xidmətinin verdiyi qərarlarda qeyri müəyyənlik hökm sürür. Müxtəlif biznes subyektlərindən daxil olan məlumatlara əsasən, əksər hallarda dövlət xidməti tətbiqi yeni olan qanunun müəyyən tələblərini qeyri müəyyən və yalnız öz mütəxəsislərinin subyektiv fikirlərinə əsaslanan şəkildə təqdim edərək satınalmaların nəticələrini ləğv edir daha sonra isə özü- öz qərarına əks qərar verir. Satınalmaların sayı artıqca bu halların da sayının artması onu göstərir ki, Antiinhisar və İstehlak Bazarına Nəzarət Dövlət Xidməti hələ ki, bütün satınalmalara obyektiv və qanunun tələblərinə uyğun formada nəzarəti həyata keçirə bilmir.