Azərbaycan Mərkəzi Bankının sədri Taleh Kazımov Astana şəhərində Türk Dövlətləri Təşkilatına üzv ölkələrin mərkəzi (milli) banklarının Şurasının birinci toplantısında iştirak edib.
GDP xəbər verir ki, toplantıda çıxışı zamanı sədr Azərbaycanda mövcud iqtisadi inkişaf trendləri barədə məlumat verib, həmçinin pul siyasətinin ötürücülüyünün artırılması və maliyyə texnologiyalarının tətbiqinin genişləndirilməsi istiqamətində Mərkəzi Bank tərəfindən görülən təşəbbüsləri diqqətə çatdırıb.
Taleh Kazimovun vurğuladığı əsas məqamlar arasında iqtisadi dayanıqlığın gücləndirilməsi, maliyyə sektorunda innovasiyaların tətbiqi və rəqəmsal transformasiya üzrə atılan addımlar olub. Bu təşəbbüslər Azərbaycanın maliyyə bazarının inkişafına və beynəlxalq əməkdaşlığın genişləndirilməsinə mühüm töhfə verir.
Qeyd edək ki, Türk Dövlətləri Təşkilatına üzv ölkələrin mərkəzi banklarının Şurasının növbəti toplantısının 2026-cı ildə Bakı şəhərində keçirilməsi planlaşdırılır. Bu tədbir regionda maliyyə və iqtisadi əməkdaşlığın daha da gücləndirilməsi üçün yeni imkanlar açacaq.
