Azərbaycan Mərkəzi Bankının sədri Taleh Kazımov öz rəsmi X hesabında paylaşım edərək, Gürcüstan Milli Bankı və Qlobal Maliyyə və Texnologiya Şəbəkəsinin (GFTN) dəvəti ilə GFTN-Tbilisi Maliyyə Sammitində iştirak etdiyini bildirib.
GDP xəbər verir ki, bu barədə rəsmi “X” hesabında məlumat verən T. Kazımov, sammit çərçivəsində “Maliyyə xidmətləri və ödənişlərdə növbəti qlobal innovasiya dövrü” mövzusunda keçirilən panel müzakirəsində çıxış etdiyini vurğulayıb.
Mərkəzi Bankın sədri çıxışı zamanı qlobal çağırışlar və imkanlar, Azərbaycanda ödəniş sistemlərinin inkişafı, innovativ maliyyə həllərinin tətbiqi və gələcək perspektivlər barədə fikirlərini bölüşdüyünü açıqlayıb.
Kazımov həmçinin qeyd edib ki, bu kimi beynəlxalq platformalar maliyyə texnologiyalarının gələcək inkişaf istiqamətlərinin müzakirəsi və qlobal əməkdaşlıq əlaqələrinin gücləndirilməsi baxımından mühüm əhəmiyyət kəsb edir.
