ABŞ Prezidenti Donald Tramp İranın nüvə silahı əldə etməsi məsələsində sərt mövqeyini bir daha açıq şəkildə ortaya qoydu.
GDP xəbər verir ki, Tramp verdiyi açıqlamada ABŞ-ın dünyanın ən böyük neft istehsalçısı olduğunu xatırladaraq neft qiymətlərinin yüksəlməsinin ölkəyə ciddi gəlir gətirdiyini vurğuladı. Lakin o, prezident kimi daha böyük prioritetinin İranın nüvə silahı əldə etməsinin qarşısını almaq olduğunu bildirdi.
Tramp İranı “şər imperiyası” adlandıraraq bu ölkənin nüvə silahına sahib olmasının təkcə Yaxın Şərq üçün deyil, bütün dünya üçün ciddi təhlükə yaradacağını qeyd etdi. O, sözlərini belə bitirdi: “Mən buna heç vaxt icazə verməyəcəyəm!”
Trampın bu açıqlaması ABŞ-ın İrana qarşı siyasətinin daha da sərtləşəcəyinə dair siqnal kimi qiymətləndirilir. Beynəlxalq müşahidəçilər isə Washington ilə Tehran arasındakı gərginliyin yenidən artmasından narahatlıqlarını gizlətmirlər.