TuranBank ASC-nin Müşahidə Şurasının geniş tərkibli növbəti iclası keçirilib. İclasa Müşahidə Şurasının sədri Rauf Kazımov rəhbərlik edib.
GDP xəbər verir ki, görüşdə Müşahidə Şurasının üzvləri, İdarə Heyətinin sədri və digər üzvlər, həmçinin baş direktorlar iştirak ediblər.
Toplantıda 2024-cü il üzrə Bankın illik fəaliyyətinə dair İdarə Heyətinin hesabatı dinlənilib, cari inkişaf strategiyasının icrası və əldə olunan nəticələr dəyərləndirilib.
Müşahidə Şurasının sədri və üzvləri çıxış edərək, Bankın inkişafı üçün əhəmiyyətli addımların atıldığını vurğulayıb. Eyni zamanda, korporativ idarəetmə tələblərinə uyğun olaraq fəaliyyətin optimallaşdırılması və müasir standartlara cavab verməsi üçün əlavə tədbirlərin görülməsinin vacibliyini bildiriblər.
İclasda iştirak edən digər üzvlər də Bankın strateji hədəfləri və gələcək inkişafı ilə bağlı fikirlərini bölüşüb, müvafiq məsələlərlə bağlı təkliflər irəli sürüblər.
İclasın sonunda Bankın gələcək inkişafı və müasir tələblərə uyğun idarəetmə sisteminin tətbiqi istiqamətində konkret qərarlar qəbul edilib.