Amerikalı iqtisadçı Robin Bruks Türkiyənin iqtisadi siyasətini kəskin tənqid edib.
GDP xəbər verir ki, onun sözlərinə görə, 2017-ci ildən bəri Türkiyədə ard-arda baş verən kredit bumları ölkənin iqtisadi sabitliyini ciddi şəkildə pozub.
Bruks qeyd edib ki, lirənin dövri olaraq dəyər itirməsi və ölkədə inflyasiyanın yüksək səviyyədə olması məhz bu nəzarətsiz kredit genişlənməsinin nəticəsidir.
“Türkiyə – bir daha – iqtisadiyyatı tamamilə destabilləşdirən bu kredit bumlarından birindədir. Bu, ancaq Ərdoğan getdikdən və sistem dəyişdikdən sonra sona çatacaq”, – deyə Bruks bildirib.
Ekspertin sözlərinə görə, mövcud siyasət Türkiyəni uzunmüddətli iqtisadi böhrana sürükləyir və ciddi struktur islahatları olmadan bu vəziyyətdən çıxış mümkün deyil. O, həmçinin mövcud idarəçilik modelini qeyri-sabitlik yaradan əsas amil kimi göstərib.
