Unibank KB ASC-nin İdarə Heyəti sədrinin vəzifəsini müvəqqəti icra edən Heybət Qədirov bankın 2025-ci il üzrə fəaliyyət nəticələri və qarşıdakı dövr üçün strateji planları barədə açıqlama verib.
Onun sözlərinə görə, 2025-ci il Unibank üçün həm maliyyə nəticələri baxımından uğurlu, həm də strateji mərhələnin yekunlaşdığı əhəmiyyətli bir il olub. Əldə olunan göstəricilər bankın düzgün istiqamətdə inkişaf etdiyini açıq şəkildə nümayiş etdirib. Qeyd edilib ki, ötən il təkcə müsbət maliyyə nəticələri ilə deyil, eyni zamanda uzunmüddətli strategiyanın hesabat ili kimi də yadda qalıb.
Heybət Qədirov bildirib ki, 2026-cı il bank üçün yeni və daha iddialı mərhələnin başlanğıcı olacaq. Bu il Unibankın qəbul etdiyi yeni üçillik strategiyanın ilk ili olmaqla, daha böyük və ambisiyalı hədəflərin icrasını nəzərdə tutur.
Açıqlamaya əsasən, yeni strateji dövrdə bank bazarında innovativ həllərin tətbiqi, müştərilər üçün daha çevik və müasir məhsul və xidmətlərin təqdim edilməsi, eləcə də bankçılığa yanaşmanın müasir tələblərə uyğun şəkildə yenilənməsi əsas prioritetlər sırasında olacaq.
Unibank rəhbərliyi hesab edir ki, güclü və stabil maliyyə bazası, aydın strateji xətt və müştəriyönümlü yanaşma 2026-cı ili bank üçün yeni inkişaf imkanları ilə zəngin bir il edəcək.