Maliyyə bazarları 2022-ci ildən bəri ən böyük çöküşü yaşayır
GDP xəbər verir ki, 20 fevraldan etibarən S&P 500 indeksi 4,5 trilyon dollar bazar dəyərini itirib, ABŞ-ın texnologiya sektoru isə cəmi bir gün ərzində 1 trilyon dollar dəyərsizləşib. Bazarın sərt enişinə səbəb, Donald Trampın mümkün iqtisadi tənəzzüllə bağlı bəyanatları olub.
Bütün bu itkilərin fonunda yeganə qazanan şəxs – Uorren Baffetdir. Onun Berkshire Hathaway investisiya şirkəti ehtiyatlı və uzunmüddətli strategiyası sayəsində enişdən təsirlənməyib və əksinə, dəyər qazanıb.
Kriptovalyuta bazarı da ciddi zərbə alıb. Son üç ayda ümumi dəyəri 1,3 trilyon dollar azalan kriptosektor, investorlar üçün riskli zona olaraq qalır.
Maliyyə analitikləri bildirirlər ki, bazarın gələcək trayektoriyası FED-in faiz dərəcələri ilə bağlı qərarlarından və ABŞ-dakı siyasi hadisələrdən asılı olacaq.
