Azərbaycan Mərkəzi Bankının sədr müavini Vüsal Xəlilov ICPC Dünya Finalı 2025-ə həsr olunmuş mətbuat konfransında bildirib ki, Mərkəzi Bank və digər qurumlar ölkənin yüksək inkişaf tempini nəzərə alaraq, istedadlı gənclərə və mütəxəssislərə ehtiyac duyur. O, xüsusilə maliyyə sektorunda bu cür istedadların vacibliyini vurğulayıb və qeyd edib ki, Mərkəzi Bank üçün ən önəmli prioritet istedadlara investisiya qoymaqdır.
Vüsal Xəlilov, tədbirin yalnız bir başlanğıc olduğunu və ICPC-nin ölkə üzrə universitetlərdə və gənclərdə böyük məlumat və bacarıqlar yaratdığını qeyd edib. O, bu cür tədbirlərin tələbələrin bilik və bacarıqlarını düzgün istiqamətdə inkişaf etdirmək üçün əhəmiyyətli olduğunu bildirib.
Həmçinin, Vüsal Xəlilov , yeni fintechlərin yaranması və mövcud olanların texniki həllərinin keyfiyyətinin artırılması üçün yüksək səviyyəli mütəxəssislərin vacib olduğunu əlavə edib. “Google DeepMind, Huawei və OpenAI kimi şirkətlər istedad bazalarını belə yarışlardan formalaşdırır. Biz də Mərkəzi Bank olaraq istedadların inkişafını təmin etmək üçün bu cür təşəbbüsləri dəstəkləyirik”, – deyə Vüsal Xəlilov vurğulayıb.