Bakıda keçiriləcək Ümumdünya Şəhərsalma Forumunun On Üçüncü sessiyası (WUF13) çərçivəsində təşkil olunacaq “Urban Expo” sərgisinə qeydiyyat müddəti uzadılıb. Yüksək maraq nəzərə alınaraq müraciətlərin qəbulu üçün son tarix 10 aprel 2026-cı il olaraq müəyyən edilib.
Sərgi 17–22 may 2026-cı il tarixlərində Bakı Olimpiya Stadionunda 35 min kvadratmetr sahədə təşkil ediləcək. Beynəlxalq miqyasda on minlərlə ziyarətçinin iştirak edəcəyi tədbirdə ölkələr, şəhərlər, bələdiyyələr, BMT təşkilatları, akademik institutlar, beynəlxalq maliyyə və vətəndaş cəmiyyəti təşkilatları, fondlar və özəl şirkətlər iştirak edə bilər.
Kiçik stendlərdən iri pavilyonlaradək müxtəlif formatlarda təşkil olunacaq sərgi adekvat mənzil təminatı, iqlimə davamlılıq, rəqəmsal innovasiyalar və inklüziv şəhər inkişafı kimi prioritet istiqamətlər ətrafında qlobal iştirakçıları bir araya gətirəcək.
WUF13 çərçivəsində ilk dəfə olaraq innovativ mənzil və şəhər həlləri üçün Startap Pavilyonu, həmçinin master-klasslar və təcrübə mübadiləsi imkanları təqdim edən WUF Akademiyası da nümayiş olunacaq.
İştirak ərizələri onlayn qəbul edilir. Qeydiyyat üçün “Urban Expo” səhifəsinə daxil olmaq və ya un**************@**.org elektron poçt ünvanı vasitəsilə əlaqə saxlamaq mümkündür.