PAŞA Bank ilkin kütləvi təklif (IPO) çərçivəsində səhmlərini geniş ictimaiyyətə təklif edən ilk özəl bank olub. Abunə yazılışı 13 aprel – 12 may 2026-cı il tarixlərində həm fiziki, həm də hüquqi şəxslər üçün açıq elan edilib.
Bank kapitalının 5%-ni təşkil edən 932,926 ədəd adi, adlı səhm investorlara təqdim olunur. Bir səhmin qiyməti 55 AZN müəyyən edilib, minimal alış həddi 1 səhmdir və maksimum limit tətbiq edilmir. Abunə dövründə əvvəlcədən ödənilmiş məbləğlərə illik 5% faiz gəliri hesablanacaq.
Səhmlərin yerləşdirilməsi Bakı Fond Birjası vasitəsilə həyata keçiriləcək. İnvestorlar PAŞA Bank, Birbank Invest, PAŞA Kapital (əsas anderrayter), ABB Invest və Unicapital platformaları və mobil tətbiqləri vasitəsilə IPO-da iştirak edə bilərlər.
Beynəlxalq reytinq agentliyi Standard & Poor’s PAŞA Bank-ın kredit reytinqini “BB-/B” səviyyəsində “Pozitiv” proqnozla təsdiqləyib. Bank həmçinin International Investor Magazine tərəfindən 2026-cı il üzrə “Azərbaycanın ən yaxşı bankı” və “Azərbaycanın ən yaxşı KOS bankı” seçilib. 2024–2025-ci illərdə Euromoney, Global Finance və Stevie Awards tərəfindən beynəlxalq mükafatlara layiq görülən PAŞA Bank, Stevie Awards-da “İlin şirkəti” nominasiyasında “Gold Stevie” mükafatını qazanan ilk Azərbaycan bankı olub.
PAŞA Bank qeyri-neft sektorunun inkişafını, real sektorun maliyyələşdirilməsini və iqtisadiyyatın şaxələndirilməsini əsas prioritet kimi müəyyən edib. Bank Azərbaycandan əlavə Gürcüstan və Türkiyədə də fəaliyyət göstərir.
Ətraflı məlumat üçün: ipo.pashabank.az