ABŞ-da Freddie Mac tərəfindən dəstəklənən 30 illik sabit ipoteka faizlərinin orta göstəricisi yanvarın 2-nə olan məlumata görə, 6.91%-ə yüksəlib.
GDP xəbər verir ki, bu, iyul ayından bəri qeydə alınan ən yüksək göstəricidir. Artım, Federal Ehtiyat Sisteminin (FED) sərt monetar siqnalları və güclü iqtisadi məlumatlar fonunda uzunmüddətli dövlət istiqrazlarının gəlirlərindəki yüksəlişlə uyğunluq təşkil edir.
“Yeddi faizə yaxınlaşan ipoteka faizləri son altı ayın ən yüksək səviyyəsinə çatdı,” deyə Freddie Mac-in baş iqtisadçısı Sam Khater bildirib. “Ötən ilin eyni dövrü ilə müqayisədə faiz dərəcələri yüksəlib və bazarda əlçatanlıq problemləri davam edir. Lakin gözləmə mövqeyində olan alıcıların hərəkətə keçmək meyli artır, çünki qeydə alınan ev satışlarında artım müşahidə edilir.”