Author: Aynure Gdp

Azərbaycan Respublikası Mərkəzi Bankı əlverişli xarici sektor göstəriciləri fonunda valyuta bazarındakı sabitliyi qorumağa davam edir.  GDP xəbər verir ki, Bank tərəfindən təşkil edilən valyuta hərraclarında tələb tam şəkildə təmin olunur. Mərkəzi Bank, əvvəlcədən açıqlanan plana uyğun olaraq, 2023-cü ildə daxili bazardan aldığı xarici valyuta hesabına birdəfəlik dövlət xərclərini qarşılamaq üçün 2024-cü ilin noyabr ayında da planlı valyuta satışını davam etdirib. 2024-cü ilin noyabr ayının sonuna Bankın valyuta ehtiyatları 10.9 milyard ABŞ dolları təşkil edib. Bu göstərici beynəlxalq kifayətlilik normalarını əhəmiyyətli dərəcədə üstələyir. Qeyd olunub ki, Mərkəzi Bankın mövcud valyuta ehtiyatları səviyyəsi ölkənin 3 aylıq mal və xidmət idxalından 2 dəfə çoxdur. Mərkəzi Bankın…

Cari ilin noyabr ayının sonuna Azərbaycan Mərkəzi Bankının Bankın valyuta ehtiyatları 10.9 milyard ABŞ dolları təşkil edib. GDP Mərkəzi Banka istinadən xəbər verir ki, bu göstərici beynəlxalq kifayətlilik normalarını əhəmiyyətli dərəcədə üstələyir. Mərkəzi Bankın hazırkı valyuta ehtiyatları 3 aylıq mal və xidmət idxalından 2 dəfə çoxdur. Bu ehtiyat səviyyəsi valyuta bazarında sabitliyin qorunması üçün etibarlı baza təmin edir. Bundan əlavə, cari əməliyyatlar hesabında proqnozlaşdırılan profisit, 2025-ci ildə də valyuta bazarındakı sabitliyin davam edəcəyinə dair nikbinlik yaradır. Oktyabr ayında açıqlanan proqnoza əsasən, 2025-ci ildə cari əməliyyatlar hesabının profisiti 5.5 milyard ABŞ dolları təşkil edəcək.

Müvafiq tapşırıqlardan irəli gələn məsələlər Naxçıvanın inkişafı üçün hazırlanan strateji sənədlərdə öz əksini tapıb. Belə ki, “Naxçıvan Muxtar Respublikasının sosial-iqtisadi inkişafına dair 2023-2027-ci illər üçün Dövlət Proqramı”nda “Dövlət müəssisə və şirkətlərinin fəaliyyətində maliyyə hesabatlılığı və şəffaflığın gücləndirilməsi” bəndi nəzərdə tutulub. GDP xəbər verir ki, bunu Naxçıvanda keçirilən Maliyyə Forumunda çıxışı zamanı Hesablama Palatasının sədri Vüqar Gülməmmədov bildirib. Palata sədri qeyd edib ki, ötən il maliyyə hesabatlılığı və şəffaflığın gücləndirilməsinə dair Naxçıvanda keçirilən tədbirdəki çıxışımda dövlət sektorunda maliyyə şəffaflığının və hesabatlılığının minimal tələblərini səsləndirmişdim. Həmin tədbirdən 1 ildən bir qədər çox vaxt keçib. Bu dövr ərzində apardığımız auditlər və təhlillər bəzi…

Azərbaycan Mərkəzi Bankının məlumatına görə, ötən iclasdan bəri illik inflyasiya hədəf diapazonu daxilində qalıb. GDP Mərkəzi Banka istinadən xəbər verir ki, 2024-cü ilin noyabr ayında 12 aylıq inflyasiya 4.4% təşkil edib. Ərzaq malları üzrə illik qiymət artımı 4.4%, qeyri-ərzaq malları üzrə 2.2%, xidmətlər üzrə isə 6% olub. Ərzaq və qeyri-ərzaq inflyasiyasının aşağı olması ümumi inflyasiyanın hədəfdə qalmasını dəstəkləyən əsas amillərdən biri kimi qeyd edilib. İnflyasiyanın xarici fonu ümumilikdə sabitdir. Beynəlxalq Valyuta Fondunun (BVF) məlumatına əsasən, qlobal əmtəə qiymətləri indeksi ötən ilin eyni dövrü ilə müqayisədə cəmi 0.7% artıb. Bundan əlavə, manatın nominal effektiv məzənnəsinin 2024-cü ilin ilk 11 ayında 7.1% möhkəmlənməsi idxal inflyasiyasının azalmasına əlavə töhfə verib.

Azərbaycan Respublikası Mərkəzi Bankının İdarə Heyətinin qərarına əsasən, uçot dərəcəsi 7.25%, faiz dəhlizinin aşağı həddi 6.25%, yuxarı həddi isə 8.25% səviyyəsində dəyişməz saxlanılıb. GDP xəbər verir ki, bu qərar faktiki və proqnozlaşdırılan inflyasiyanın hədəf çərçivəsində (4±2%) olması və makroiqtisadi meyillərin hərtərəfli təhlili nəzərə alınaraq qəbul edilib. Mərkəzi Bankın açıqlamasına görə, qərarın əsas məqsədi iqtisadi sabitliyi qorumaq, qiymət artımını hədəf daxilində saxlamaq və makroiqtisadi tarazlığın davamlılığını təmin etməkdir.

Qızılın unsiyası 2,650 dollara yaxın olub və bu gün Federal Ehtiyatın pul siyasəti elanından əvvəl sıx ticarət diapazonunda qalıb. FED-in 25 faiz bəndi endirimi təqdim edəcəyi geniş şəkildə gözlənilsə də, gələn ilin faiz dərəcəsinin proqnozu ilə bağlı ipuçları treyderlər, gələn Tramp administrasiyasının siyasətlərinin faiz trayektoriyasına necə təsir göstərə biləcəyi ilə bağlı qeyri-müəyyənlik fonunda diqqət mərkəzindədir. Bu arada, ABŞ-da gözləniləndən daha güclü pərakəndə satış məlumatları noyabr ayında 0.7% artım göstərdi və bu, FED -in siyasət yumşaltmasını yavaşlatacağına dair spekulyasiyaları gücləndirdi. Yenə də qiymətli metal bu il 28%-dən çox yüksələrək, ABŞ-ın monetar yumşalması, təhlükəsiz liman tələbi və davamlı mərkəzi bank alışları ilə…

Beynəlxalq ödənişlərdə dolların payı son 12 ilin ən yüksək səviyyəsinə – 49,1%-ə yüksəlib. GDP xəbər verir ki, bu barədə SWIFT-in məlumat yayımlayıb. Məlumata görə avonun beynəlxalq ödənişlərdə payı 21% -ə enib. Yuanın payı 2%-dən 5%-ə yüksəlib. Belə ki, indi ekspertlər qeyd edirlər ki, de-dollarizasiya deyil, avroizasiya prosesi gedir.

London Fond Birjası (LSE) 2008-ci il maliyyə böhranından bəri ən pis ilini “yaşamağa” hazırlaşır. GDP xəbər verir ki, Britaniya şirkətləri kütləvi şəkildə ABŞ-a üz tutaraq öz əməliyyatlarını orada davam etdirirlər. Bu il ərzində ümumilikdə 88 şirkət səhmlərini delist edərək fəaliyyətini ABŞ-a köçürüb. Yeni listinq sayı isə son 15 ilin ən aşağı səviyyəsindədir. Birjanı tərk edən şirkətlərin birgə bazar dəyəri 280 milyard funt sterlinqə çatır ki, bu da FTSE 100 indeksinin hazırkı ümumi dəyərinin təxminən 14%-ni təşkil edir. Bu tendensiyanın yalnız başlanğıc olduğu bildirilir. Mütəxəssislər ABŞ-ın Avropanı iqtisadi zəiflətmə strategiyasının plan üzrə davam etdiyini və nəticələrin yaxın illərdə daha da dərinləşəcəyini proqnozlaşdırırlar.

ABŞ-ın xam neft ehtiyatları 2024-cü il dekabrın 13-də başa çatan həftədə 4.7 milyon barrel azalıb. Bu, əvvəlki həftədə qeydə alınmış 0.499 milyon barrel artımdan sonra baş verib. GDP xəbər verir ki,məlumat Amerika Neft İnstitutunun (API) Həftəlik Statistik Bülletenində dərc edilib. Bu, son səkkiz həftə ərzində ehtiyatların dördüncü dəfə azalmasıdır və bazarın 1.85 milyon barrel həcmində azalma gözləntilərini üstələyib. Ehtiyatlardakı bu kəskin azalma neft bazarında təklifin azalmasına işarə edir və qiymətlərə təsir göstərərək bazar iştirakçılarının diqqətini cəlb edə bilər.

Azərbaycan Respublikasının Mərkəzi Bankının Risklərin İdarə Edilməsi Departamentinin Strateji və Əməliyyat Riskləri üzrə baş mütəxəssisi Azər Novruzov bildirib ki, Gürcüstan Milli Bankı ilə risklərin idarə edilməsi üzrə dəyərli təcrübə mübadiləsi proqramı təşkil edilib. O qeyd edib ki, proqram çərçivəsində keçirilən müzakirələr məhsuldar və olduqca maarifləndirici olub, əməliyyat risklərinin idarə edilməsində qabaqcıl təcrübələr barədə daha dərin anlayış əldə etməyə şərait yaradıb. GDP xəbər verir ki, Gürcüstan Milli Bankı bu əməkdaşlıqdan məmnunluğunu ifadə edərək, Azərbaycan Respublikasının Mərkəzi Bankına dəyərli fürsət yaratdığına və risk idarəetmə strategiyaları ilə bağlı zəngin və faydalı dialoqu dəstəklədiyinə görə təşəkkür edib. Azər Novruzov əlavə edib ki, bu əməkdaşlıq…