Avrostatın məlumatına görə, Avropa İttifaqı sentyabr ayında Rusiyadan boru kəməri qazını 840 milyon avro həcmində tədarük edib.
GDP xəbər verir ki, bu, son bir il yarımın ən yüksək göstəricisidir.
Ölkələr üzrə qaz idxalı belə olub: İtaliya 315,5 milyon avro, Macarıstan 219,6 milyon avro, Yunanıstan 166,9 milyon avro və Slovakiya 125,5 milyon avro həcmində qaz alıb.
Rusiyadan maye təbii qaz (LNG) idxalı isə 547,8 milyon avroya çatıb. Bu göstərici 2024-cü ilin apreli ilə müqayisədə maksimum səviyyədir. LNG idxalında Fransa 215,7 milyon avro, Belçika 130,5 milyon avro, Niderland isə 93,5 milyon avro ilə fərqlənib.