Benzin və dizel mühərrikləri tərəfindən istifadə edildikdə, yanma prosesi nəticəsində bir sıra zərərli maddələr atmosferə yayılır. Bu maddələr havanın çirklənməsinə səbəb olur və insan sağlamlığına və ətraf mühitə zərər verir. Benzin və dizelin yanma məhsulları ətraf mühitə və insan sağlamlığına ciddi təsir göstərir. Yüksək səviyyədə çirklənmə və dəyişkən qiymətlər, bərpa olunan enerji mənbələrinə keçidin və daha ekoloji cəhətdən təmiz nəqliyyat vasitələrinin istifadəsinin əhəmiyyətini artırır. Ekoloji təmizliyə nail olunması üçün həyata keçirilən tədbirlər Azərbaycanda benzin və dizelin qiymətinin artırılması etimalını artırır. Azərbaycanda benzinin və dizelin qiymətləri artırılacaq? Bu barədə GDP -yə açıqlama verən eks Millət Vəkili,iqtisadçı Vüqar Bayramlı , bildirib ki, ölkəmizdə benzinin, eləcədə dizelin qiyməti “Tarif Şurası” tərəfindən müəyyənləşdirilir. “Belə ki, bu məhsullar qiymətləri dövlət tərəfindən müəyyənləşdirilən və tənzimlənən məhsullar siyahısına daxildir. O baxımdan benzin və dizelin qiymətinin dəyişməsi və ya bütövlükdə bu sahədə hansı qərarların qəbul edilməsi birbaşa “Tarif Şurası”nın səlahiyyətindədir. Ona görə inzibati olaraq bu məsələlərlə bağlı “Tarif Şurası” qərar verir.”
Vüqar Bayramov qiymət artırılması üçün ölkədə mövcud olan səbəblərə nəzərə salaraq bildirib: “Amma nəzərə alsaq ki, Azərbaycanda benzinlərin qiyməti optimaldır, bizim gözlənti ondan ibarətdir ki, “Premium” markalı benzinlərin istehsal edilməsi, yerli istehsalın təşkil edilməsi hətta gələcəkdə həmin məhsulların ölkədaxili qiymətinin düşməsinə gətirib çıxara bilər. Çünki o məhsullar idxal olunur. İdxal olunduğuna görə xərci yüksəkdir. Ona görə də yer normal olmağın təklif olunması daha məqsədəuyğundur.”
Ölkədə dizel və benzinin bahalaşması etimalını dəyərlədirən neft-qaz sahəsində ixtisaslaşan iqtisadçı İlham Şaban bildirib: bizdə artıq avro beş standartında dizel və “Avro 5” standartında “Aİ 93” markalı benzin istehsal edilir. Yəni daxili bazara benzin verilir. Dizelin daxili bazara yönəldilməsi ilə bağlı heç bir xəbər yoxdur. “SOCAR”ın davranışından görünür ki, qısa bir müddətdə o artıq daxili bazara da gələcək. Əlbəttə ki, “Avro 2” standartına uyğun benzinlə “Avro 5” standartında olan yanacağın qiyməti eyni ola bilməz.”
İlham Şabanın sözlərinə görə,bu müxtəlif keyfiyyətdə olan mal və xidmətlərə eyni pul ödəməyə bənzəyir. “Yəni rəsmi olaraq ayın neçəsində filan vaxt daxili bazarda belə olacağı elan olunmayıb. Bundan əlavə, SOCAR “Tarif Şurası”na müraciət etməlidir “Tarif Şurası” hökumətin bir qurumu kimi açıqlamayıb ki, Dövlət Neft Şirkətindən istehsal olunan yanacağın keyfiyyətin artırılması səbəbindən qiymət onu qane etmir”
İqtisadçı bildirib ki, bundan əlavə, artıq Dövlət Neft Şirkəti “Bakı Enerji Həftəsi”ndə elan etdiyi kimi, iyun ayında “Aİ95” markalı “Avro 5” standartlı yanacaq ölkə bazarına daxil olmalıdır. Bu həftə ərzində SOCAR “Avro 5” standartlı benzinin istehsalını həyata keçirib bazara çıxarmalıdır. Əgər etmirsə, təkzib verməlidir ki, yenidən hansısa səbəbdən biz bunu təxirə salırıq.”
İlham Şaban hesab edir ki, artıq 2019-cu ildən, yəni 5 il ərzində təxirə salına-salına gedən bu prosesi yenidən bir hansısa 1-2 ay geri çəkməyin heç bir mənası yoxdur. “Çünki qurğular tam hazırdır, işləyir. Qeyd etdiyim kimi, 3 yanacaq növündən 2-nin artıq “Avro 5” standartında istehsalı var. “Aİ 95” markalı olacaqsa, demək hökumət də öz qərarını verməlidir ki, bunun qiyməti tənzimlənən olacaq. Çünki artıq idxal benzinə ehtiyac qalmır. 2014-cü ilin aprelindən hökumət yüksək oktanlı benzinin qiymətinin dövlət tərəfindən tənzimlənməməsi ilə bağlı qərar vermişdi və bunu onunla əsaslandırmışdır ki, artıq idxal olunur, ölkə daxilində istehsal olunmur, ona görə də qiyməti bazar iştirakçıları müəyyənləşdirəcək.”