2024-cü ildə Azərbaycanın sığorta bazarında sığorta haqlarının həcminə görə “Paşa Həyat Sığorta” 594,399 min manat yığımla bazarın 43.9 faizinə sahib olaraq lider mövqeyini qoruyub.
GDP xəbər verir ki, ölkənin sığorta bazarında ikinci yerdə 317,560 min manat yığımla bazarın 23.5 faizini təşkil edən “Paşa Sığorta” qərarlaşıb. İlk üçlüyü 90,939 min manat yığımla bazarın 6.7 faizini təşkil edən “Atəşgah Həyat” tamamlayıb.
Dördüncü yerdə 76,436 min manat yığımla bazarın 5.6 faizini təşkil edən “Atəşgah”, beşinci yerdə isə 79,351 min manat yığımla bazarın 5.9 faizini təşkil edən “Qala Sığorta” qərarlaşıb. “Meqa Sığorta” 36,217 min manat yığımla bazarın 2.7 faizinə sahib olaraq altıncı yeri tutub.
Digər şirkətlərin göstəricilərinə nəzər salsaq, “Qala Həyat” 25,677 min manat yığımla bazarın 1.9 faizini, “Xalq Sığorta” 24,699 min manat yığımla bazarın 1.8 faizini, “Azərbaycan Sənaye Sığorta” 24,943 min manat yığımla bazarın 1.8 faizini, “A-Qroup” 18,717 min manat yığımla bazarın 1.4 faizini və “Aqrar Sığorta” 14,080 min manat yığımla bazarın 1.0 faizini təşkil edib.
Bazarın kiçik paylı iştirakçıları arasında “Meqa Həyat Sığorta” 11,640 min manat yığımla bazarın 0.9 faizini, “Xalq Həyat” 11,366 min manat yığımla bazarın 0.8 faizini, “AtaSığorta” 10,394 min manat yığımla bazarın 0.8 faizini, “AzSığorta” 9,019 min manat yığımla bazarın 0.7 faizini, “İpək Yolu Sığorta” 6,210 min manat yığımla bazarın 0.5 faizini və “Bakı Sığorta” 1,538 min manat yığımla bazarın 0.1 faizini təşkil edib.
2023-cü illə müqayisədə ən böyük artım “Paşa Həyat Sığorta”da 76,932 min manat, “Atəşgah”da 31,570 min manat və “Paşa Sığorta”da 24,469 min manat qeydə alınıb. Ən böyük azalma isə icbari avtosığorta üzrə lisenziyası dayandırılmış 35,699 min manat yığım həyata keçirmiş “İpək Yolu Sığorta”da və lisenziyası ləğv edilmiş 10,304 min manat və “Bakı Sığorta”da 3,396 min manat müşahidə olunub.
Ümumilikdə, 2024-cü ildə Azərbaycanın sığorta bazarının həcmi 2023-cü illə müqayisədə 130,648 min manat və ya 10.7 faiz artaraq 1,353,185 min manata çatıb.
