Azərbaycanın strateji valyuta ehtiyatları 9 Ayda 7.3% artaraq 73.5 milyard ABŞ dollarına çatıb
GDP xəbər verir ki, Mərkəzi Bankın “Pul siyasəti icmalı”na görə, ölkənin strateji valyuta ehtiyatları son 9 ayda 7.3% artaraq 2024-cü ilin sentyabr ayının sonunda 73.5 milyard ABŞ dollarına bərabər olub.
Bununla yanaşı, Mərkəzi Bankın özünün valyuta ehtiyatları da 1.6% artaraq 11.8 milyard dollara çatıb.
Beləliklə, ölkənin strateji valyuta ehtiyatları beynəlxalq qəbul edilmiş kifayətlilik normalarını üstələməkdə davam edir. 2024-cü ilin sentyabr ayına bu ehtiyatlar 35.5 aylıq mal və xidmət idxalını əhatə edib.
Daha bir önəmli göstərici isə strateji valyuta ehtiyatlarının manatla pul kütləsini (M2) 3.5 dəfə üstələməsidir.
Bu göstəricilər Azərbaycanın makroiqtisadi sabitliyi və maliyyə dayanaqlığı baxımından güclü mövqeyi olduğunu təsdiqləyir.