Azərbaycan Mərkəzi Bankının “2025-ci ilin I rübü üzrə tədiyə balansı” məlumatlarına görə, ölkənin ilkin gəlirlər balansında neft-qaz sektoru üzrə 703,9 milyon dollar kəsir, qeyri-neft-qaz sektoru üzrə isə 47,7 milyon dollar profisit qeydə alınıb.
GDP xəbər verir ki. nəticədə, ilkin gəlirlər balansında ümumi kəsir 15,9% artaraq 656,2 milyon dollar olub.
İlkin gəlirlər üzrə ümumi dövriyyə 1,9 milyard dollar təşkil edib ki, bunun da 67,4%-i (1,3 milyard dollar) Azərbaycandan qeyri-rezidentlərə edilən ödənişlərdən ibarətdir. Bu ödənişlərin əsas hissəsini 811,2 milyon dollar məbləğində xarici investorların gəlirlərinin repatriasiyası təşkil edib. Bunun içərisində:
- Beynəlxalq neft-qaz konsorsiumları üzrə əsasən xam neft və təbii qaz satışından əldə edilən 739,8 milyon dollar,
- Qiymətli kağızlar üzrə qeyri-rezidentlərə ödənilən 124,1 milyon dollar faizlər,
- Xarici kreditlər üzrə ödənilən 97,5 milyon dollar faizlər,
- Digər ödənişlər (238,2 milyon dollar) yer alıb.
Digər ödənişlər içərisində 185,2 milyon dollar məbləğində olan hissə ölkəyə yenidən investisiya (Azərbaycanda qazanılan gəlirlərin yerli iqtisadiyyata təkrar qoyulması) kimi qeydə alınıb və birbaşa xarici investisiyalar hesabına daxil edilib.
Mərkəzi Bankın məlumatına əsasən, neft-qaz sektorundan xarici şirkətlərə edilən ödənişlər və investor gəlirlərinin repatriasiyası ilkin gəlirlər balansında kəsirin artmasının əsas səbəblərindən biri olub.