Aviabiletlərin təxminən 15-20 faizi iqtisadi cəhətdən əsaslandırılmış tarifdən daha aşağı qiymətə satılır.
Bu GDP-yə Azərbaycan Hava Yollarının (AZAL) mətbuat xidmətindən bildirilib.
Bildirilib ki, aviaşirkətlərin qiymət siyasəti aviabiletin orta tarifinin formalaşmasında əsas rol oynayır və bir çox amilləri nəzərə alan mürəkkəb hesablamaları əhatə edir. “Aviabiletin orta tarifi proqnozlaşdırılan sərnişin sayı, uçuşların tezliyi, rəqabət mühiti, mövsümə görə tələbatın dəyişməsi və hava gəmisinin növü əsasında müəyyən edilir.”
AZAL qeyd edir ki, aviabilet tarifinin formalaşmasına bir çox amillər təsir edir. Bunlar hava gəmisi, ekipaj, texniki istismar, sığorta (ACMI – aircraft, crew, maintenance, insurance) ilə əlaqəli xərclər; uçuş heyətinin əməkhaqları, gediş və gəliş hava limanlarında texniki xidmət, hava gəmilərinin təmiri, yanacaq, hava gəmisində qida, reys üzrə sənədlərin hazırlanması, qış mövsümündə hava gəmilərinin səthinin uçuşdan əvvəl yerdə buzlanmaya qarşı maye ilə işlənilməsi, ərazi üzərindən uçuş və qalxma-enmə əməliyyatları, hava limanlarında yerüstü xidmətlər və digər xərclərdir.
AZAL bir neçə məqsədə çatmaq üçün dinamik qiymət təyinetmə sistemi tətbiq edir. Sistemin əsas məqsədlərini də açıqlayıb. Bura eyni zamanda biletlərin əlçatanlığının artırılması da da daxil olunduğu əlavə olunub. Beləliklə aviaşirkət bildirirƏlçatanlığın artırılması: sərnişinlərin əksəriyyəti üçün biletlərin əlçatanlığını artırmaq məqsədilə aviabiletlərin təxminən 15-20 faizi iqtisadi cəhətdən əsaslandırılmış tarifdən daha aşağı qiymətə satılır.