Banklararası bazarda müəyən əməliyyatalarda «PAŞA qrup»a daxil olan bankların hakim mövqe tutması ilə bağlı məlumatlar həqiqəti əks etdirmirdi.
GDP xəbər verir ki, bunu “«Kapital Bank»ın 2023-cü ilin yekunları və yeni strateji dövrə dair mətbuat konfrası”nda Bankın İdarə Heyətinin üzvü, Baş Maliyyə İnzibatçısı Emin Məmmədov «Kapital Bank» -ın banklararası bazarda daha çox valyuta satması ilə bağlı fikirlərə aydınlıq gətirərkən deyib.
O bildirib: «Kapital Bank» və “PAŞA Holding”ə daxil olan digər banklarda gündəlik olaraq bu əməliyyatlar həyata keçirilir. Bu əməliyyatların azalmasında yaxud artmasında xüsusi bir tendensiya görmürük. Banklararası bazarda müəyən əməliyyatalarda «PAŞA qrup»a daxil olan bankların hakim mövqe tutması ilə bağlı məlumatlar həqiqəti əks etdirmirdi. Hazırda konkret dövriyyələr və əməliyyatların sayı barədə məlumat verə bilməyəcəm. Bu göstəricilər gündəlik olaraq dəyişir.»
Emin Məmmədov əlavə edib: ««Kapital Bank» heç bir valyuta riski götürmür. Sıfır valyuta mövqeyi saxlamaqda maraqlıdır. Yəni nə qədər dollar öhdəliyi varsa o qədər aktiv saxlamaq və hər hansı bir spekulyativ əməliyyat həyata keçirmədiyinə görə balansında yaranmış artıq dollar vəsaitlərini satır. Dollar vəsaitinə ehtiyac olanda isə onu ya bazardan alır ya da Mərkəzi Banka müraciət edərək hərraclardan o vəsaiti cəlb etməyə çalışır.»
Müəllif: Aynur Qəniyeva