Brent markalı neftin bir barelinin qiyməti 82,99 dollara yüksəlib

Statistik məlumatların açıqlanmasından sonra Brent markalı neftin qiymətləri artmağa başlayıb.

GDP xəbır verir ki, Citigroup analitikləri yaxın üç ayda Brent neftinin bir barelinin təxminən 82 dollara qədər bahalaşmasl ilə bağlı proqnozlarını təsdiqləyiblər. Eyni zamanda, 2025-ci ildə bir barel üçün 55-60 dollara qədər azalma gözləyirlər.

Bakı vaxtı ilə saat 17:48-də Londonun ICE Futures birjasında Brent markalı neftin avqust fyuçerslərinin kotirovkaları əvvəlki ticarətin bağlanış səviyyəsi ilə müqayisədə 0,39 dollar və ya 0,5% artaraq bir barel üçün 82,99 dollar təşkil edib.

Bu vaxta qədər Nyu-York əmtəə birjasında iyul ayı üçün WTI markalı neftin fyuçersləri 0,31 dollar və ya 0,4% bahalaşaraq 1 bareli 78,81 dollara yüksəlib.