Google-da reklam klikləri 2023-cü ilə nisbətən 8% azalıb.
GDP xəbər verir ki, Wall Street Journal-ın məlumatına görə, gənc nəsil artıq Google-dan məlumat axtarmaq üçün əvvəlki qədər istifadə etmir. eMarketer-in proqnozuna əsasən, 2025-ci ildə Google-un ABŞ axtarış reklamı bazarındakı payı ilk dəfə 50%-in altına düşəcək. Bu, şirkətin bu sahədəki hökmranlığına ciddi zərbə olacaq.
Axtarış sisteminin populyarlığının azalması bir neçə səbəbdən baş verir. İstifadəçilər tez-tez məhsulları birbaşa Amazon-da axtarmağı üstün tuturlar. Alternativ platformalar daha dəqiq və konkret cavablar təqdim edirlər. Bundan əlavə, Google-un axtarış keyfiyyəti süni intellekt texnologiyaları ilə yaradılan kontentlərin artması səbəbindən pisləşib. Bu tendensiya axtarış bazarında əhəmiyyətli dəyişikliklərin başlanğıcını göstərir.