2024-cü ilin noyabr ayında Azərbaycan Mərkəzi Bankının rəsmi valyuta ehtiyatları 403,9 milyon dollar və ya 3.55% azalaraq 10 milyard 967.8 milyon dollar təşkil edib.
GDP.AZ-ın Mərkəzi Banka istinadən verdiyi məlumata görə, oktyabr ayında Mərkəzi Bankın rəsmi valyuta ehtiyatları 424,1 milyon dollar azalaraq 11 milyard 371,7 milyon dollara geriləmişdi. Beləliklə, son iki ayda (oktyabr-noyabr) Mərkəzi Bankın rəsmi valyuta ehtiyatları ümumilikdə 828 milyon dollar azalıb.
Qeyd etmək lazımdır ki, 2024-cü ilin sentyabr ayının sonunda Mərkəzi Bankın valyuta ehtiyatları 11 milyard 795,8 milyon ABŞ dolları səviyyəsində idi.
Mərkəzi Bank tərəfindən xarici valyutada dövlət xərclərinin (dövlət layihələri və tədbirləri, müdafiə, xarici valyutada öhdəliklərin azaldılması və digər strateji əhəmiyyətli xərclər) icrasına dəstək məqsədilə valyuta ehtiyatlarından xüsusi satışlar həyata keçirilib. Bu səbəbdən rəsmi ehtiyatların azalması baş verib.
