Türkiyənin Bolu şəhərinin “Rayess” şokolad fabriki tərəfindən “Made in Turan” loqotipli ilk məhsul istehsal olunub.
GDP xəbər verir ki, istehsal olunan məhsulların üzərində fərqli türk dövlətlərinin bayraqları əks olunub. Gələcəkdə fərqli sektorlarda bu loqoti altında məhsulların istehsalı nəzərdə tutulmuşdur.
“Made in Turan” markası TDT-yə üzv ölkələrin istehsal etdiyi məhsulların vahid markalaşmaya keçidinin bir hissəsisidir.
Bu yöndə artıq ilk addımlar atılmağa başlanılmışdır. “Made in Turan” markası ilk dəfə 22 may 2024-cü il tarixində Qazaxıstanın paytaxtı Astana şəhərində Türk dövlətləri françayzinq assosiasiyalarının toplantısında elan olunmuşdur və assosiasiyalar tərəfindən markalaşmanın dəstəklənməsi qərarlaşdırılıb.
