“The Financial Times” ICIS konsaltinq şirkətinə istinadən yazır ki, iki ildə ilk dəfə olaraq, may ayında Avropaya Rusiya qazının tədarükü ABŞ-ın qaz ixracını üstələyib.
GDP xəbər verir ki, may ayında Rusiya qazının payı Avropa İttifaqı, Böyük Britaniya, İsveçrə, Serbiya, Şimali Makedoniya, Bosniya və Herseqovinada bütün tədarüklərin 15%-ni təşkil edib. 2022-ci ilin sentyabr ayının əvvəlində ABŞ Avropaya qaz tədarükçüsü kimi Rusiyanı keçmişdi və 2023-cü ildən etibarən region tədarükününtəxminən beşdə biri Amerikanın payına düşürdü. Bununla belə, 2024-cü ilin may ayında ABŞ-nin qaz tədarükü ümumi həcmin 14%-nə düşüb, bu, 2022-ci ilin avqustundan bəri ən aşağı göstəricidir. Bu azalmaya mayeləşdirilmiş təbii qazın ixracı üzrə böyük Amerika müəssisəsinin işindəki fasilələr də təsir edib.
ICIS konsaltinq şirkətinin qaz analitikası şöbəsinin rəhbəri Tom Marzek-Manser hesab edir ki, Aİ Rusiya qazından asılılığını azaltmaqda çətinlik çəkəcək, çünki Şərqi Avropanın bəzi ölkələri hələ də qaza ehtiyac duyurlar.
