Azərbaycanda bu gün kapital bazarlarının qarşısında duran əsas məsələ fərdlərin də bazara çıxış əldə etməsidir.
GDP xəbər verir ki, bunu Azərbaycan Fond Bazarı İştirakçıları Assosiasiyasının (AFBİA) İcraçı direktoru Murad Yəhyayev deyib.
O bildirib ki, araşdırmalar və sorğular nəticəsində müəyyən olunub ki, Azərbaycanda daha çox bazara inamın artırılmasına ehtiyac var. “Belə ki, bu gün internet resurslarında müxtəlif insanlar ,qurumlar məbləğin 50 yaxud 10%-inə qədər aylıq gəlir vəd edən elanlar yayımlayır. Bilin ki, bu vədlər heç biri real deyil və həqiqəti əks etdirmir. Elə bir biznes yoxdur ki, sizə illik 100% yaxud aylıq 15-20% qazanc gətirsin.”
Murad Yahyayevin sözlərinə görə, təəssüf ki, hazırda mövcud olan bu “froud”lar bazara inam baxımından çox mənfi təsir edir.