“Məmnunluq hissi ilə bildiririk ki, Azərbaycan Respublikası Dövlət Neft Fondu (ARDNF) dünyanın ən böyük özəl məktəb şəbəkələrindən biri olan və BƏƏ-də yerləşən “GEMS Education” şirkətinə investisiya yatırmaqla “Brookfield Asset Management” şirkətinin rəhbərlik etdiyi qlobal investorlar konsorsiumuna qoşulub.”
Gap xəbər verir ki, bu Dövlət Neft Fondunun sosyal şəbəkə hesabında yayımladığı məlumatda bildirilir.
Qeyd olunur: “Bu strateji yatırım ARDNF-nin Yaxın Şərqə etdiyi ilk investisiya olmaqla yanaşı, Fond üçün olduqca mühüm əhəmiyyətə malikdir. Belə ki, yüksək inkişaf potensiallı sektora qoyulmuş bu investisiya həm də ARDNF-nin regionun davamlı inkişafına töhfə vermək istəyinin bariz nümunəsidir.”