“Bizim baxışımız sadəcə tranzitdən kənara çıxır, biz iqtisadi artım və əməkdaşlığa təkan vermək üçün coğrafi üstünlüklərimizdən istifadə edərək Azərbaycanı logistik mərkəzə çevirməyi hədəfləyirik”
Bunu Kiçik və Orta Biznesin İnkişafı Agentliyinin İdarə Heyətinin sədri Orxan Məmmədov “ŞƏT Nümayiş Zonası – Azərbaycanda Logistika və Ticarətin Təşviqi Konfransı” nda çıxış edərkən deyib.
O bildirib: ” Nəqliyyat-tranzit sahəsində planlaşdırılan bu kimi yeni yollar kommunikasiyalarımızı daha sıx birləşdirməklə, ölkələrimizin sahibkarlıq subyektləri arasında da əlaqə və münasibətlərin genişləndirilməsinə imkan verir. Bunlara əsaslanaraq deyə bilərik ki, qarşılıqlı əməkdaşlıq ölkələrimiz üçün faydalıdır və bu əməkdaşlıq şirkətlərimizin, iş adalarımızın, eləcə də startap ekosisteminin də inkişafına töhfə verə biləcək
Orxan Məmmədovun sözlərinə görə daha bir əməkdaşlıq formatı institusional əlaqələrin genişləndirilməsi ilə bağlıdır. “Bu baxımdan Agentliyimizin məqsədi Çindən olan həmkarlarımızla kiçik və orta biznes sahəsində əməkdaşlığın geniş spektrini əhatə etmək, həm institusional, həm də biznes əməkdaşlığına diqqət yetirməkdir. “