Mərkəzi Bankın sədri Taleh Kazımov Mentorluq proqramı çərçivəsində dördüncü Yüksəliş Müsabiqəsinin qalibləri İsmayıl Hüseynov və Sənan Mustafayev ilə növbəti görüşlərini keçirib.
GDP xəbər verir ki, hər iki görüşdə Mərkəzi Bankın sədri liderlik keyfiyyətlərinin gücləndirilməsi, strateji düşüncə və effektiv qərarvermə bacarıqlarının inkişaf etdirilməsi istiqamətində iştirakçılara dəyərli tövsiyələrini bölüşüb.
Sədr, Mentorluq proqramının iştirakçıları üçün yalnız bilik və təcrübə paylaşımı deyil, həm də davamlı şəxsi və peşəkar inkişaf üçün mühüm təkanverici qüvvə olduğunu vurğulayıb.
Görüşlər zamanı qaliblərin fərdi inkişaf planı üzrə qazandıqları təcrübə, qarşıya qoyulan məqsədlər və hədəflər ətrafında fikir mübadiləsi aparılıb. Bu təşəbbüs, gənc liderlərin potensialını artırmaq və onların peşəkar inkişafına dəstək olmaq məqsədilə həyata keçirilir.
