““PAŞA Bank” özünün ilk “İllik İrəliləyiş Hesabatı”nı BMT Qlobal Saziş platformasında təqdim edib.”
GDP xəbər verir ki, bunu “PAŞA Bank” ASC-nin Marketinq departamentinin direktoru Zara İbrahimzadə açıqlayıb.
O bildirib: “Bu yaxınlarda Azərbaycanın Dayanıqlı İnkişaf Məqsədlərinin (DİM) icrası üzrə 4-cü Könüllü Milli Hesabatı BMT-yə təqdim edilib. Hesabat Azərbaycanda DİM-lərə nail olmaq istiqamətində aparılmış işləri, eyni zamanda iqtisadi artıma, ətraf mühitin mühafizəsinə və sosial rifahın dəstəklənməsinə yönəlmiş təşəbbüs və nailiyyətləri əks etdirir. “
Bankın departament direktoru əlavə edib ki, Təqdim edilən sənəd ölkəmizin dayanıqlı gələcək yaratmaq fəaliyyətində növbəti önəmli bir dönüş nöqtəsidir “Bu xüsusda, Azərbaycanın aparıcı korporativ maliyyə institutu “PAŞA Bank”, BMT Qlobal Sazişinin üzvü olaraq dayanıqlı təcrübələr və qlobal inkişaf məqsədlərinə sadiqliyini bir daha təsdiq edib. Belə ki, yerli bazarda bu qlobal təşəbbüsə könüllü olaraq qoşulan maliyyə institutlarının ön sırasında olan “PAŞA Bank” özünün ilk “İllik İrəliləyiş Hesabatı”nı BMT Qlobal Saziş platformasında təqdim edib. Bu sahədə göstərdiyi səylərə görə bütün komandamıza təşəkkür edirəm.”
Zara İbrahimzadə əlavə edib ki, 2024-2026 illər İnkişaf Strategiyamıza əsasən ölkədə dayanıqlı biznes mühitinin gücləndirilməsinə tövhə vermək üçün Bankımızın fəaliyyətinə ətraf mühit, sosial və idarəetmə (ESİ) prinsiplərini daha sıx inteqrasiya edəcəyik.”