Amerikanın qrafik prosessor istehsalçısı Nvidia Corp. 2025-ci maliyyə ilinin üçüncü rübündə xalis mənfəətini və gəlirini ikiqat artırıb.
GDP xəbər verier ki, şirkətin mətbuat açıqlamasına görə, 27 oktyabrda başa çatan rübün yekunlarına görə xalis mənfəət 19,309 milyard dollar (hər səhm üçün 78 sent) təşkil edib, keçən ilin müvafiq dövründə isə bu rəqəm 9,243 milyard dollar (hər səhm üçün 37 sent) olub.
Bir dəfəlik amillər nəzərə alınmadan mənfəət hər səhm üçün 40 sentdən 81 sentə yüksəlib. Gəlir 35,082 milyard dollara yüksəlib, keçən il isə bu rəqəm 18,120 milyard dollar olub.
Ocümlədən, məlumat mərkəzləri seqmentində gəlirlər 30,77 milyard dollar təşkil edib ki, bu da keçən ilin göstəricisindən 2,1 dəfə (112%) çoxdur.
FactSet analitiklərinin sorğusuna görə, şirkətin düzəliş edilmiş mənfəəti orta hesabla hər səhm üçün 75 sent, ümumi gəlir isə 33,17 milyard dollar və məlumat mərkəzlərindən gəlir 28,8 milyard dollar səviyyəsində proqnozlaşdırılıb.
Nvidia-nın ümumi mənfəət marjası keçən ilki 74%-dən 74,6%-ə yüksəlib, lakin II maliyyə rübü ilə müqayisədə göstərici azalıb (75,1%-dən).