Avropa İttifaqı Gürcüstan hökumətinə bütün maliyyə yardımını dayandırmaq imkanını nəzərdən keçirir.
GDP xəbər verir ki,Avropa İttifaqının xarici siyasət sözçüsü Peter Stano Europa Press-ə müsahibəsində bildirib ki, Gürcüstan Xarici Təsirlərin Şəffaflığı haqqında Qanunun tətbiqindən sonra bu qərarın qəbulu perspektivi nəzərdən keçirilir.
Biz hökumətə maliyyə yardımımızı dayandırmağı düşünürük. Onun sözlərinə görə, Aİ Gürcüstanda vəziyyətin son inkişafından ciddi narahat olaraq qalır. Xüsusilə, bu qanunun qüvvəyə minməsi Avropaya inteqrasiya yolunda “geri addımdır”.
Stano xatırladıb ki, Aİ daha əvvəl Gürcüstana ölkənin müdafiəsini gücləndirmək üçün istifadə edilməsi planlaşdırılan 30 milyon avronun ayrılmasını dondurub.
Avropa İttifaqı həmçinin “mövcud vəziyyətdən çıxış yolu tapmaq üçün nəzərdə tutulanlar istisna olmaqla” Gürcüstan hakimiyyəti ilə siyasi əlaqələri azaldıb.
Qeyd edək ki, xarici agentlər haqqında qanun avqustun 1-dən qüvvəyə minib.