Almaniyanın avtomobil istehsalçısı “Mercedes-Benz” ölkədə istehsala yönəlik bütün yeni investisiyaları dayandırmaq qərarına gəlib.
GDP xəbər verir ki, şirkət həmçinin xərclərin azaldılması çərçivəsində Almaniyadakı zavodlarının bağlanması ehtimalını da nəzərdən keçirir.
DPA agentliyinin məlumatına görə, konserndə əsas müzakirə mövzularından biri əməkhaqqı və işçi heyətinin saxlanılması xərclərinin azaldılmasıdır.
Şirkət nümayəndələri bildiriblər ki, Almaniyada istehsalatda bir iş saatının dəyəri bəzi hallarda konsernin Şərqi Avropadakı zavodları ilə müqayisədə beş dəfə yüksəkdir.
Bu fərq istehsal xərclərinin optimallaşdırılması və şirkətin gələcək investisiya strategiyası ilə bağlı qərarlara təsir göstərir.