“Ziraat Bank Azərbaycan” ASC-nin 15 milyon manat həcmində korporativ istiqrazları “PAŞA Kapital” İnvestisiya Şirkətinin anderrayterliyi ilə tam yerləşdirilib.
GDP.AZ xəbər verir ki, 30 oktyabr 2026-cı ildə açıq yerləşdirmə üsulu ilə keçirilən emissiya üzrə 110 investor tərəfindən 110 sifariş təqdim edilib. İnvestorların 101-i fiziki, 9-u isə hüquqi şəxs olub.
İstiqrazlara ümumilikdə 45 milyon 355 min 400 manatlıq sifariş daxil olub. Beləliklə, tələb təklif olunan həcmi 3 dəfədən çox üstələyib.
Faktiki yerləşdirilmiş istiqrazların 14 milyon 976 min 100 manatı — 99,84%-i hüquqi şəxslərin, 23 min 900 manatı — 0,16%-i isə fiziki şəxslərin payına düşüb.
Emissiya hər birinin nominal dəyəri 100 manat olan 150 min istiqrazdan ibarətdir. İstiqrazların tədavül müddəti 12 ay, illik kupon gəlirliliyi 10% təşkil edir. Kupon ödənişləri rüblük əsasda həyata keçiriləcək.