ABŞ-nin Strateji Neft Ehtiyatında (SPR) neftin həcmi 300 milyon bareldən aşağı düşərək 1983-cü ildən bəri ən aşağı səviyyəyə enib.
GDP xəbər verir ki, ötən həftə ehtiyatlar 298,7 milyon barel təşkil edib.
Müqayisə üçün, ABŞ və İsrailin fevralın 28-də İrana hücumundan əvvəl strateji ehtiyatlarda təxminən 415 milyon barel neft var idi. Beləliklə, həmin dövrdən bəri ehtiyatlar 116,3 milyon barel və ya təxminən 28% azalıb.
Eyni zamanda, ABŞ-də ultraaşağı kükürd tərkibli dizel yanacağı üzrə fyuçerslərin qiyməti 7,4% artaraq bir qallon üçün 4,19 dollara çatıb. Bu, iyulun 13-dən bəri ən kəskin gündəlik artım olub.
Avropada da dizel yanacağının emal marjası, yəni yanacağın qiyməti ilə xam neftin dəyəri arasındakı fərq təxminən 10% yüksəlib.
