Azərbaycan bankları mənfəətini 26% artırıb

Azərbaycan banklarının xalis mənfəəti 2026-cı ilin yanvar–iyun aylarında 729 milyon manat təşkil edib.
GDP xəbər verir ki, bu barədə Azərbaycan Mərkəzi Bankının 2026-cı ilin birinci yarısına dair “Maliyyə Sabitliyi Hesabatı”nda bildirilir.
Məlumata görə,2025-ci ilin eyni dövründə bank sektorunun xalis mənfəəti 578 milyon manat olub.
Beləliklə, bankların xalis mənfəəti bir ildə 151 milyon manat və ya 26,1% artıb.
Hesabatda bildirilir ki, faiz və qeyri-faiz xərclərinin artmasına baxmayaraq, bank sektorunun mənfəətliliyində müsbət dinamika davam edib.
2026-cı ilin ilk yarısında ölkədə fəaliyyət göstərən bütün banklar mənfəətlə işləyib. Hesabat dövründə zərərlə fəaliyyət göstərən bank qeydə alınmayıb.