Dünyanın ən böyük neft şirkətlərindən olan Chevron 2025-ci ildə ABŞ-ın nəhəng Permian hövzəsində kapital xərclərini əhəmiyyətli dərəcədə azaldacağını açıqlayıb.
GDP xəbər verir ki, şirkətin bəyanatına görə, Permian hövzəsində qazma xərcləri 10% azaldılaraq 4.5-5 milyard dollar səviyyəsinə endiriləcək. Qlobal səviyyədə isə şirkət neft kəşfiyyatı xərclərini cari ildəki 19 milyard dollardan 17 milyard dollara qədər azaltmağı planlaşdırır.
Bu qərar ABŞ prezidenti Donald Trampın ölkədə enerji hasilatının artırılması planları üçün ciddi çağırış hesab olunur. Qeyd edək ki, Permian hövzəsi ABŞ-ın ən böyük neft yatağıdır və ölkənin enerji strategiyasında mühüm rol oynayır.
Mütəxəssislərin fikrincə, xərclərin azaldılması qlobal enerji bazarındakı qeyri-müəyyənlik və neftin qiymətindəki dəyişkənliklə əlaqədardır. Bu addım dünya neft bazarında yeni tendensiyaların başlanğıcı ola bilər.