Almaniyanın Ştutgart şəhərində yerləşən avtomobil istehsalçısı Mercedes, 2025-ci ilin ilk doqquz ayında konsolidasiya olunmuş xalis mənfəətin 50,3% azalaraq 3,87 milyard avro olduğunu elan edib. GDP xəbər verir ki, keçən ilin eyni dövründə bu rəqəm 7,8 milyard avro təşkil edirdi.
Mənfəətin kəskin şəkildə azalmasının səbəbləri arasında yeni gömrük rüsumları, satışların azalması və səmərəlilik tədbirləri ilə bağlı xərclər göstərilib. Şirkət hələ də satış həcmləri, gəlir və mənfəətin əhəmiyyətli dərəcədə aşağı düşəcəyini gözləyir.
Gəlirliliyi yenidən artırmaq üçün şirkət 5 milyard avro dəyərində xərclərin azaldılması proqramıbaşladıb. 2027-ci ilə qədər istehsal və daimi xərclərin 10% azaldılması, həmçinin material xərclərinin optimallaşdırılması nəzərdə tutulur.
Rəqəmlər göstərir ki, şirkət Çində tələbatın azalması və ABŞ-nin zəif iqtisadiyyatı səbəbilə çətinliklər yaşayır. İyul-sentyabr aylarında Mercedes dünya üzrə 525.300 minik avtomobili və furgonu satıb, bu da keçən ilin eyni dövrü ilə müqayisədə təxminən 12% azdır.
Şirkətin rəhbərliyi istehsal xətlərində və inzibati strukturlarda davam edən optimallaşdırma tədbirləri çərçivəsində gələcək dövrdə də çətin bazar şəraitinin davam edəcəyini proqnozlaşdırır.