Norveçin 1,7 trilyon dollarlıq suveren sərvət fondu bu gün Tesla-nın baş direktoru Elon Maskın gələn həftə səhmdarların səsverməsinə çıxarılacaq 56 milyard dollarlıq ödəniş paketinin bu ilin əvvəlində Delaver hakiminin onu etibarsız saymasından sonra ratifikasiya edilməsinə qarşı səs verəcəyini bildirib.
GDP məlumatına görə, fond Tesla-nın səkkizinci ən böyük səhmdarıdır.
Amerikada korporativ icraçı direktor üçün ən böyük maaş olan Maskın maaşı 2018-ci ildə təsdiqlənib.Lakin bu ilin əvvəlində bu məbləğin səhmdarlar üçün ədalətsiz olduğunu deyən bir hakim onu “ağılsız məbləğ” adlandıraraq ləğv edib.
Fond “2018-ci ildən bəri cənab Maskın rəhbərliyi altında yaradılan əhəmiyyətli dəyəri” yüksək qiymətləndirdiyini qeyd edib.
Fondun operatoru “Norges Bank Investment Management” (NBIM) bildirib: “Hələ də “maaşın ümumi məbləği ilə bağlı narahatlığımızı davam etdiririk”
2018-ci ildə fond maaşın məbləğinin əleyhinə səs vermişdi.
Norges Bank Investment Management əlavə edib: “Biz bu və digər mövzularda Tesla ilə konstruktiv dialoq axtarmağa davam edəcəyik”