Azərbaycan Mərkəzi Bankının sədri Taleh Kazımov Özbəkistanın Daşkənd şəhərinə işgüzar səfəri çərçivəsində Özbəkistan Mərkəzi Bankının sədri Timur İşmetovla görüşüb.
Bu barədə Taleh Kazımov “LinkedIn” hesabında məlumat paylaşıb.
Görüş zamanı hər iki ölkədə mövcud makroiqtisadi vəziyyət, qarşıda duran çağırışlar və qarşılıqlı maraq doğuran digər məsələlər ətrafında fikir mübadiləsi aparılıb.
Tərəflər mərkəzi banklar arasında mövcud əməkdaşlığın səviyyəsindən məmnunluqlarını ifadə edərək, qarşılıqlı təcrübə mübadiləsinin genişləndirilməsi və əlaqələrin daha da dərinləşdirilməsi perspektivlərini müzakirə ediblər.
