Turkish Petroleum Corporation Qazaxıstanın Xəzər sektorunda Böyük Jambil sahəsini qiymətləndirir

Xəzər dənizinin Qazaxıstan sektorunda yerləşən Böyük Jambil sahəsi üzrə Türkiyənin dövlət neft şirkəti Turkish Petroleum Corporation (TPAO) texniki-iqtisadi qiymətləndirmə aparır.
GDP xəbər verir ki, işlər 2025-ci ilin iyulunda KazMunayQaz ilə TPAO arasında geoloji kəşfiyyat və yataqların işlənməsi üzrə imzalanmış əməkdaşlıq sazişi çərçivəsində həyata keçirilir. Dünən Ankarada əməkdaşlığın gedişi “KazMunayQaz”ın rəhbəri Asxat Xasenov və Türkiyənin energetika və təbii sərvətlər naziri Alparslan Bayraktar arasında müzakirə olunub.
Qeyd edək ki, 2021-ci ildə Böyük Jambil və digər Xəzər bloklarını BP qiymətləndirsə də, şirkət sonradan korporativ strategiya dəyişikliklərini əsas gətirərək layihələrdən imtina edib. Hazırda TPAO-nun Böyük Jambil üzrə qiymətləndirmə nəticələri və mümkün investisiya qərarı gözlənilir