Türkiyə hava limanlarında şəxsi baqajın yoxlanılması qaydalarını və prosedurlarını sərtləşdirə bilər
GDP xəbər verir ki, bu barədə Türkiyə mediası yazır.
Məlumata görə müvafiq qanun layihəsi parlamentin müvafiq komissiyası səviyyəsində dinlənilib.
Qanun qəbul olunarsa, Türkiyə hava limanlarında təhlükəsizlik qaydaları Beynəlxalq Mülki Aviasiya Konvensiyasına (“Çikaqo Konvensiyası”) uyğun olacaq.
Belə ki, hava limanının əməkdaşları zərurət yaranarsa, terminalın girişində və təyyarəyə minmə zonasının girişində sərnişinlərin əşyalarını əl ilə yoxlayacaqlar. Bu həm şəxsi baqaj, həm də elektron cihazlara aiddir.
Yoxlama üçün əşyaların təqdim edilməsindən imtina edildikdə, sərnişin hava limanına və ya yola salınma zonasına buraxılmayacaq.
Təhlükəsizlik mülahizələri tələb edərsə, baqajın yoxlanılması sahibinin iştirakı olmadan da aparıla bilər.
Bundan əlavə, qanun layihəsi pilotun uçuş zamanı göyərtədə hər hansı qanun pozuntusu barədə səlahiyyətli orqanlara məlumat verməməsinə görə 620 dollardan 15 600 dollara qədər cərimə nəzərdə tutur.