Hesablama Palatası 2025-ci il dövlət büdcəsi haqqında qanun layihəsinə dair rəyində xarici valyutaya tələbin artmasının səbəblərini təhlil edib. Rəyə görə, bu artımda bir sıra amillərin təsiri olub.
Tədiyə balansında müsbət saldonun azalması, dövlət büdcəsinin xarici valyutada daxilolmalarının enməsi mühüm rol oynayıb. Belə ki, neft-qaz sektoru üzrə podratçı tərəflərin mənfəət vergisi cari ilin 9 ayında illik müqayisədə 41,4% azalıb.
Xaricdən daxil olan fiziki şəxslərin pul baratlarında da əhəmiyyətli azalma müşahidə olunub. Cari ilin birinci yarısında pul baratları üzrə müsbət saldo ötən ilin eyni dövrü ilə müqayisədə 51,6% azalıb.
Bunlarla yanaşı, cari ilin yanvar-sentyabr aylarında xarici dövlət borcuna xidmət xərcləri üzrə il üçün yenidən baxılmış proqnozun 100,0%-nin icra edilməsi də xarici valyutaya tələbin yüksəlməsinə təsir edən amillər sırasındadır.
Hesablama Palatasının rəyində qeyd olunan bu məlumatlar ölkənin maliyyə-iqtisadi vəziyyətinin müxtəlif aspektlərinə işıq tutur.