2023-cü ildə “AzərGold”un xalis mənfəəti 27.228 milyon ABŞ dolları təşkil edib.
GDP şirkətin 2023-cü üzrə audit hesbatına istinadən xəbər verir ki, şirkətin xalis gəliri 2021-ci ildə 112.7 milyon ABŞ dolları, 2022-ci ildə isə 123.65 milyon ABŞ dolları olub.
Xalis mənfəətin illər üzrə dəyişməsinə nəzər saldıqda görürük ki, 2021-ci ildən 2022-ci ilə keçiddə mənfəət 33.5 milyon dollardan 32.6 milyon dollara enərək 0.9 milyon ABŞ dolları və ya 2.7% azalıb.
Növbəti ildə isə azalma daha kəskin olub – 2022-ci ildən 2023-cü ilə keçiddə xalis mənfəət 32.6 milyon dollardan 27.228 milyon dollara düşərək 5.372 milyon ABŞ dolları və ya 16.5% azalıb.
Şirkətin EBITDA göstəricisi əvvəlki ilə nisbətən 24.4% artaraq 70.514 milyon ABŞ dolları təşkil edib.
Lakin şirkət mürəkkəb geoloji struktura malik filiz süxurlarının emalı üçün yeni texnologiyaların tətbiqi və istehsalat həcminin artması səbəbindən maya dəyərinin yüksəlməsi ilə üzləşib.
Qeyd olunur ki, texnoloji yeniliklər və istehsalat proseslərinin təkmilləşdirilməsi şirkətin uzunmüddətli inkişaf strategiyasının mühüm hissəsini təşkil edir.
Qeyd:EBITDA (faiz, vergi, amortizasiya xərcləri çıxılmazdan əvvəlki əməliyyat mənfəəti)