Mərkəzi Bank tərəfindən media nümayəndələri üçün “Ödəniş xidmətlərinin tənzimlənməsi çərçivəsi” mövzusunda xüsusi təlim təşkil edilib.
GDP xəbər verrir ki,tədbirdə iştirakçılara ödəniş xidmətləri sahəsindəki ən son tendensiyalar, hüquqi tənzimləmə mexanizmləri və nəzarət sistemləri barədə ətraflı məlumat verilib. Xüsusi diqqət elektron ödəniş sistemləri, ödəniş təşkilatları və elektron pul təşkilatlarının fəaliyyət prinsiplərinə yönəldilmişdir.
Mərkəzi Bankın Ödəniş xidmətləri və ödəniş sistemlərinin fəaliyyətinin tənzimlənməsi şöbəsinin rəisi Xəyaləddin Tağıyev çıxışında ödəniş sistemində mövcud olan müxtəlif iştirakçılar arasındakı fərqləri izah edib. O, xarici ödəniş xidməti təchizatçılarına tətbiq olunan tələblərdən və fintek şirkətlərinin ölkənin maliyyə sisteminə təsirindən də bəhs edib.
“Fintek şirkətlərinin bazara daxil olması ilə ödəniş xidmətləri sahəsində rəqabət artıb və istehlakçılar üçün daha əlverişli şərtlər yaranıb,” – deyə Tağıyev bildirib.
Təlim interaktiv formatda keçirilib və jurnalistlərin sahə ilə bağlı çoxsaylı sualları cavablandırılıb. Tədbirin sonunda Mərkəzi Bankın sədri Taleh Kazımov media nümayəndələri ilə görüşərək, maliyyə savadlılığının artırılması və ödəniş sistemlərinin təkmilləşdirilməsi istiqamətində görülən işlər barədə məlumat verib.
