2025-ci ilin yanvar ayı ilə 2024-cü ilin yanvar ayı arasında xarici valyutalarla alış və satış əməliyyatlarında bir sıra dəyişikliklər baş verib.
GDP Mərkəzi Banka istinadən xəbər verir ki, ABŞ dolları ilə alış əməliyyatlarında 2024-cü ilin yanvarında 119468,7 min ABŞ dolları alınmışdı, 2025-ci ilin yanvarında isə bu rəqəm 116106,1 min ABŞ dollarına enib. Bu, 3362,6 min ABŞ dolları və ya 2,8% azalma deməkdir. AVRO ilə alış əməliyyatlarında isə 2024-cü ilin yanvarında 8736,1 min avro alınmışdır, 2025-ci ilin yanvarında isə bu rəqəm 9782,3 min avroya yüksəlib. Azalma yox, əksinə 1046,2 min avro artım baş vermiş və faiz dəyişiklik 12% olub. İngilis funt sterlinqi ilə alış əməliyyatlarında 2024-cü ilin yanvarında 615,8 min funt sterlinqi alınıb, 2025-ci ilin yanvarında isə bu rəqəm 622,6 min funt sterlinqinə yüksəlmişdir. Bu da 6,8 min funt sterlinq və ya 1,1% artım deməkdir. Rusiya rublu ilə alış əməliyyatlarında 2024-cü ilin yanvarında 1342333,8 min rubl alınmışdı, 2025-ci ilin yanvarında isə bu rəqəm 213738,2 min rubl olub. Bu da 1128595,6 min rubl və 84% azalma deməkdir.
ABŞ dolları ilə satış əməliyyatlarında 2024-cü ilin yanvarında 116412,4 min ABŞ dolları satılmışdı, 2025-ci ilin yanvarında isə bu rəqəm 116106,1 min ABŞ dollarına enmişdir. Bu da 306,3 min ABŞ dolları və 0,3% azalma deməkdir. AVRO ilə satış əməliyyatlarında isə 2024-cü ilin yanvarında 21150,1 min avro satılmışdı, 2025-ci ilin yanvarında isə bu rəqəm 2691,3 min avroya enmişdir. Azalma 18458,8 min avro olub və faizlə dəyişiklik 87,1%-dir. İngilis funt sterlinqi ilə satış əməliyyatlarında 2024-cü ilin yanvarında 11663,8 min funt sterlinqi satılmışdı, 2025-ci ilin yanvarında isə bu rəqəm 1691,3 min funt sterlinqinə enmişdir. Bu da 9972,5 min funt sterlinqi azalması və 85,5% azalma deməkdir. Rusiya rublu ilə satış əməliyyatlarında isə 2024-cü ilin yanvarında 171931,7 min rubl satılmışdı, 2025-ci ilin yanvarında isə 1767399,7 min rubl satılıb. Bu, 1595468 min rubl və ya 927,7% artım deməkdir.
Orta məzənnəyə gəlincə, ABŞ dolları ilə məzənnə 2024-cü ilin yanvarında 1,6979 manat idisə, 2025-ci ilin yanvarında 1,7006 manat olub, bu da 0,0027 manat və ya 0,16% artım deməkdir. AVRO ilə məzənnə 2024-cü ilin yanvarında 1,8559 manat idisə, 2025-ci ilin yanvarında 1,8391 manat olub, 0,0168 manat və ya 0,9% azalma müşahidə olunub. İngilis funt sterlinqi ilə məzənnə isə 2024-cü ilin yanvarında 2,1647 manat idisə, 2025-ci ilin yanvarında 2,1173 manat olub, 0,0474 manat və 2,2% azalma müşahidə edilib. Rusiya rublu ilə məzənnə isə 2024-cü ilin yanvarında 0,0175 manat idisə, 2025-ci ilin yanvarında 0,0164 manat olub, 0,0011 manat və ya 6,3% azalma baş verib.
Bu müqayisə göstərir ki, 2024-cü ilin yanvar ayı ilə 2025-ci ilin yanvar ayı arasında ABŞ dolları ilə əməliyyatlarda kiçik dəyişikliklər, AVRO və İngilis funt sterlinqi ilə əməliyyatlarda isə əhəmiyyətli azalmalar müşahidə olunub. Rusiya rublu ilə əməliyyatlarda isə alışda böyük azalma, satışda isə əhəmiyyətli artım qeydə alınıb. Orta məzənnələrdə isə ABŞ dolları və Rusiya rublu ilə kiçik dəyişikliklər baş verib.
Müəllif: Aynur Qəniyeva