Azərbaycan Respublikasının Mərkəzi Bankının (AMB) sədri Taleh Kazımov, Azərbaycan Banklar Assosiasiyasının (ABA) 35 illik yubileyi münasibətilə Assosiasiyanın rəhbəri Zakir müəllimi və bütün əməkdaşları təbrik edib.
GDP xəbər verir ki, təbrik məktubunda Taleh Kazımov, Azərbaycan Banklar Assosiasiyasının maliyyə sektoru və bankçılıq sahəsindəki əvəzsiz xidmətlərini və ölkə iqtisadiyyatının inkişafına verdiyi mühüm töhfələri xüsusi ilə vurğulayıb. Kazımov, ABA-nın 35 illik fəaliyyəti ərzində, bank sektorunun inkişafı, maliyyə resurslarına əlçatanlığın artırılması və əlverişli biznes mühitinin formalaşdırılması istiqamətində əhəmiyyətli rol oynadığını qeyd edib.
Azərbaycan Banklar Assosiasiyasının həmçinin üzv təşkilatlarının maraqlarını qoruyan, onlara faydalı məlumat və xidmətlərlə təmin edən, bank sektorunun inkişafına xidmət edən və təşəbbüslərin müzakirə olunduğu platforma olduğunu vurğulayan AMB sədri, Assosiasiyanın gələcək fəaliyyətinin də sektorun dayanıqlı inkişafına töhfə verəcəyinə inandığını bildirib.
Kazımov, həmçinin ABA-nın rəhbərliyinə və kollektivinə ən xoş arzularını çatdıraraq, onların fəaliyyətində daha böyük uğurlar arzulayıb.